Kryetari i Komisionit për Kulturë pranë LSDM, Rober Alagjozovski sot deklaroi se është përgatitur Draft-marrëveshja kolektive për të punësuarit në kulturë.

Nga LSDM thonë se do të përmirësohen padrejtësinë dekadëshe që i ka sjell OBRM-PDUKM, njofton Telegrafi Maqedoni.

Marrëveshje kolektive, siç theksoi Alagjozovski, për herë të fundit është nënshkruar në vitin 2005 mes SASHK-ut dhe Ministria e Kulturës.

“LSDM përgatiti Draft-marrëveshje kolektive për të punësuarit në kulturë, ndërsa në periudhën e kaluar u mbajtën disa takime dhe konsultime me përfaqësuesit e sindikatave dhe institucioneve të kulturës për zgjidhjen e nevojave urgjente dhe problemet që dalin në marrëdhëniet e punës me artistë dhe të punësuarit tjerë në kulturë. Pas disa viteve ngecje, po avancohen të drejtat e të punësuarve në kulturë. Qeveria e udhëhequr nga LSDM mbetet e përkushtuar që të punojë në interes të qytetarëve dhe shtetit”, tha Alagjozovski.

Sipas tij, tashmë 2.899 persona do të marrin paga më të mëdha.